ရှုပ်ထွေးမှုများနှင့် ပွက်လောက်ညံနေသော ဝေသာလီမြို့၏ ကွန်ယက်မှ လွတ်တော်မူသော မြတ်ဗုဒ္ဓနှင့် ညီတော် အာနန္ဒာသည် တိမ်တိုက်မြူခိုးမှ လွတ်ထွက်လာသော လမင်းကြီးနှင့်တူပေ၏။ မြတ်စွာဘုရားသည် မြို့၏ မြောက်ဘက်တံခါးမှ ထွက်တော်မူလာပြီးနောက် အဝေးပြေးလမ်းမကြီးကို စွန့်ခွာခဲ့၍ စာပါလစေတီသို့သွားရာ မြေနီလမ်းကလေးဘက်ကို ခြေဦးလှည့်တော်မူသည်။ ဘုရားရှင်စာပါလစေတီသို့သွားရာ မြေနီလမ်းကလေးပေါ်သို့ ခြေတော်ချလိုက်သည်နှင့် ယင်းမာ ကံ့ကော် စွယ်တော် သရဖီစသော တောတွင်းရှိပန်းများသည် အသက်ရှိသည့်နှယ် တစ်ပင်လုံးတစ်ခိုင်လုံး မြိုင်မြိုင်ဆိုင်ဆိုင် အပွင့်ချင်းပြိုင်လျှက် ပူဇော်နေကြကုန်၏။ အေးမြသင်းပျံ့ ပန်းရနံ့တို့ကို အစွမ်းကုန်ထုတ်လွှတ်ကြကုန်၏။ မြတ်ဗုဒ္ဓခြေတော်ချ တော်မူသည့် လမ်းတစ်လျှောက်တွင်လည်း ဝတ်မှုန်ဝတ်ဆံများနှင့် ပွင့်ဖတ်များကြဲဖြန့်ချကာ အလုအယက်တိုးဝှေ့၍ ဖူးမြော်ကြည်ညိုနေကြလေကုန်၏။ မြေနီလမ်းကလေးသည် ဘုရားရှင် ကြွတော်မူလာသည့် ခဏတာအတွင်း အသွင်ပြောင်းကာ နတ်ခင်းသော ပန်းလမ်းသွယ်သဖွယ် ဖြစ်သွားတော့သည်။ စာပါလဥယျာဉ်အတွင်းရှိ ဥသြ၊ သာလိကာစသော ငှက်အမျိုးမျိုးတို့သည်လည်း ဘုရားရှင် ကြွတော်မူလာသော လမ်းတစ်လျှောက်တွင် တွန်မြည်သဲသဲ ဝဲပျံကြကာ ရွှင်မြူးသော တေးသံသာဖြင့် ဆီးကြိုပူဇော်နေကြကုန်သည်။ ဝမ်းသာကြည်နူးလွန်း၍ သစ်တစ်ပင်မှ သစ်တစ်ပင်သို့ ခုန်ပျံပြေးလွှားမြူးထူးကစားနေကြသည်မှာ ပင်ခြေမှ ပင်ဖျားအထိ နေရာအနှံ့ပင်ဖြစ်ကြသည်။ ယနေ့၌ စာပါလစေတီနတ်ကွန်းသွားရာ မြေနီလမ်းကလေး တစ်လျှောက်မှာ ခါတိုင်းနေ့တွေထက် အဆ ရာထောင်မကပို၍ လှပသာယာနာပျော်ဖွယ် ရှိလှပေသည်။ စာပါလစေတီနတ်ကွန်းသို့ ရောက်တော်မူသောအခါ ညီတော်အာနန္ဒာသည် မြတ်စွာဘုရား နေ့သန့်သီတင်းသုံးနေထိုင်တော်မူရန် ယင်းမာပင်ကြီးအောက်တွင် သန့်ရှင်း၍ နေရာထိုင်ခင်း ပေးတော်မူသည်။ မြတ်စွာဘုရားသည် ညီတော်ခင်းပေးသော နေရာ၌ သင့်တောင့်သက်သာ ထိုင်တော်မူပြီး ဝေသာလီမြို့နှင့် မြို့ပတ်ဝန်းကျင်ရှိ သာယာလှပသော တပို့တွဲလရှုခင်းများကို ကြည့်ရှုတော်မူလေသည်။ ထို့နောက် ဝေသာလီမြို့၏
ဗုဒ္ဓဖြစ်စဉ် (၁)
လွန်ခဲ့ သော နှစ်ပေါင်း ၂၆၃၀ ကျော်ကပေါ့။ တုသိတာ နတ်ပြည်မှာ နတ်တွေက သေတကေတု အမည်ရှိတဲ့ နတ်ဆီ ကို သွားပြီး “အသင်နတ်သား လူပြည်ဆင်းပြီး ဘုရားဖြစ်ချိန်တန်ပါပြီ” ဝိုင်းဝန်းတောင်ပန်ကြတယ်။ သေတကေတု နတ်သားက လူ့ပြည်ကို လှမ်းကြည့်လိုက်တယ်။ ဘုရား ဖြစ်ဖို့အတွက် ကျိုးကြောင်း သင့်မသင့် ကြည့်လိုက်ပါတယ်။ လူ့သက်တမ်းက ဘယ်လိုလဲ။ တိုလာပြီ။ တဖြည်းဖြည်းတိုလာလိုက်တာ ၁၀၀ သက်တမ်းရောက်နေပြီ။ ဆုတ်ကပ်-။ ကျွန်း ဘယ်ကျွန်းမှာ ပွင့်ရမလဲ။ အရှေ့ကျွန်းသားရဲ့ အသက်က (၇၀၀) အနောက်ကျွန်းသား အသက်က (၅၀၀) မြောက်ကျွန်းသားအသက်က (၁၀၀၀) ကွက်တိ။ မပို မလိုဘူး။ သူတို့က ငါးပါးသီလကို လုံးဝလုံခြုံနေတယ်။ ရောဂါဘယလုံးဝမဖြစ်ဘူး။ တောင်ကျွန်းက မဟုတ်ဘူး။ အသက်က ရှည်လိုက်။ တိုလိုက်။ ဟုတ်ပြီ။ တောင်ကျွန်း။ နောက်တစ်မျိုးက ဘယ်လိုနေရာမျိုးမှာလဲ။ အချက်အချာကျသောနေရာ ကမ္ဘာစတည်စဉ်က သို့မဟုတ် လွန်ခဲ့သော အန္တရကပ် ၁၃ ကပ်မြောက်က ဇမ္ဗုသပြေပင်ပေါက်ခဲ့သောနေရာ။ မျိုးရိုး ဘယ်လိုမျိုးရိုးမှာဖြစ်ရင် လူတွေကို ဆုံးမရ ပိုလွယ်ကူမလဲ ကြည့်လိုက်တော့ တွေ့လိုက်တယ် မင်းမျိုး။ နောက်ဆုံး အမိ ဝမ်းသန့်စင်မသန့်စင်။ အမိ၏ သက်တမ်း မည်မျှရှိနေပြီလဲ။ အားလုံးက ဘုရားလာဖြစ်ဖို့ အသင့်ဖြစ်နေပြီ ဖြစ်တဲ့အတွက် သေတကေတုနတ်သားက သူ့ကို လာတောင်းပန်ကြတဲ့ နတ်သား အပေါင်းကို ခေါင်းညိတ်လိုက်ပါတယ်။ အဲဒီည သုဒ္ဓေါဒန မင်းကြီးရဲ့ တောင်ညာစံ မာယာမိဖုရား အိပ်မက် မက်ပါတယ်။