အညမညပစ္စယော

သဟဇာတနဲ့ အညမညတို့ရဲ့ ကျေးဇူးပြုပုံတွေက သိပ်ပြီး မကွာဘူး။ ဗုဒ္ဓစာပေနဲ့ တော်တော်လေးကို နီးစပ်မှ သိနိုင်မယ့် အနေအထားမှာပဲ ရှိတယ်။ စာစကားတွေနဲ့ မပြောပဲ ပြောရရင်တော့ သဟဇာတက နာမ်နာမ်ချင်း ရုပ်ရုပ်ချင်းပဲ ကျေးဇူးပြုတယ်။ အညမညကတော့ နာမ်အချင်းချင်းရယ်၊ ရုပ်အချင်းချင်းရယ် ကနေ နာမ်ကနေရုပ်။ ရုပ်ကနေနာမ်ကို အပြန်အလှန် ကျေးဇူးပြုကြတယ်။ ဒါပဲကွာတယ်။ ကျွန်တော်တို့ ဘုရားရှင်က သဗ္ဗညုတဉာဏ်ရှင်မို့လို့သာ ဒါတွေ သိနိုင်တာပေါ့။ နို့မိုရင် ဘယ်လိုမှ မသိနိုင်ဘူး။ ဒီစိတ် ဒီစေတသိက်၊ ဒီကုသိုလ်၊ ဒီအကုသိုလ်။ ဒီရုပ် ဒီနာမ်တွေကို ဒီလိုထောက်ပံ့တယ်။ ဒီလိုကျတော့ မထောက်ပံ့နိုင်ဘူး စသဖြင့် ဘယ်တရားမှ မကျန်အောင် နူးညံ့လွန်းတဲ့ သိနိုင်ခဲတဲ့ အဘိဓမ္မာပိုင်းကို ပဋ္ဌာန်းတွေနဲ့ ခွဲခြမ်းစိတ်ဖြာပြပုံက သိပ်ပြီး လေးစားကြည်ညိုစရာကောင်းပါတယ်။ ကဲ.. နာမ်ကနေ ရုပ်၊ ရုပ်ကနေနာမ်ဆိုတာက ဘယ်လိုလဲ။ ရုပ်လေးမျိုးရှိတယ်။

၁။ ကံကြောင့်ဖြစ်တဲ့ရုပ်။
၂။ စိတ်ကြောင့်ဖြစ်တဲ့ရုပ်။
၃။ ဥတုကြောင့်ဖြစ်တဲ့ရုပ်။
၎။ အာဟာရကြောင့်ဖြစ်တဲ့ရုပ် တဲ့။

သဟဇာတမှာကျတော့ ဒီရုပ်တွေက အတူတူဖြစ်ကြတာ။ ကံ၊ စိတ်၊ ဥတု၊ အာဟာရကြောင့် ဖြစ်ရတဲ့ရုပ်တွေက သူတို့ရုပ်အချင်းချင်းပဲ အတူတူဖြစ်ကြတာ။ မင်းပဲဖြစ်နော် ငါမဖြစ်ဘူးလို့ မလုပ်ကြဘူး။ အတူတူဖြစ်ကြတယ်။ ဒါပေမယ့် သူတို့ကို ဖြစ်စေတဲ့ ကံ၊ စိတ်၊ ဥတုနှင့် အာဟာရကို ပြန်ပြီးတော့ ကျေးဇူး မပြုနိုင်ဘူး။ မထောက်ပံ့နိုင်ဘူး။ အညမည သဘောနဲ့ကျပြန်တော့ ရုပ်ဟာ အဲဒီလေးပါးထဲက အဓိကလို ဖြစ်နေတဲ့ စိတ်ကို ပြန်ပြီးကျေးဇူးပြု ထောက်ပံ့နိုင်တယ်။ သဟဇာတနဲ့ အပြန်အလှန် မထောက်ပံ့နိုင်သော်လည်း အညမညကျတော့ ထောက်ပံ့နိုင်ပါတယ်။ ခက်တယ်နော်။ ဘယ်လိုကြောင့်လဲ။ သဟ အတူ ဇာတ ဖြစ်တာ။ အညမည အချင်းချင်းဖြစ်တာ။ အတူတူနဲ့ အချင်းချင်း။ လူလေးယောက်စီ နှစ်တွဲလမ်းလျှောက်သွားတယ်။ ရှေ့က လူလေးယောက်တွဲနှင့် နောက်က လူလေးယောက်တွဲမှာ ရှေ့အတွဲကဖြစ်ဖြစ် နောက်အတွဲကဖြစ်ဖြစ် နှစ်ယောက်ခွဲလိုက်တာ သုံးယောက်တစ်ယောက်ခွဲလိုက်တာ လုပ်လို့ရတယ်။ အဲဒါက သဟဇာတဖြစ်ပုံလေး။ အချင်းချင်းကျ အဲလို မဟုတ်တော့ဘူး။ လေးယောက်တွဲနှစ်တွဲဆိုပေမယ့် ရှေ့က တစ်ယောက်ပြုတ်လို့မရဘူး။ နောက်ကလည်း တစ်ယောက်ပြုတ်လို့မရဘူး။ ရှေ့ကလည်း နောက်ကိုမှီ။ နောက်ကလည်း ရှေ့ကိုမှီနေတာ။ အဲလိုဖြစ်နေတာက အညမည-အချင်းချင်းမှီထောက်နေကြတာ။ ရှင်းလေး ရှုပ်လေဖြစ်နေမလား။ ခြင်ကိုက်တယ်။ အာရုံက သိလိုက်တယ်။ (အာရမ္မဏ ပစ္စယော) ဒေါသဖြစ်တယ်။ (ဟေတုပစ္စယော) လက်လှုပ်လိုက်တယ်။ ပုတ်လိုက်တယ်။ (အနန္တရ-သမနန္တရပစ္စယော) တကယ် သေစေချင်တဲ့ စိတ်(အဓိပတိပစ္စယော) လည်းပါချင်ပါမယ်။ ခြင်ကိုက်တဲ့ ဝေဒနာကြောင့် ခြင်ကိုက်နေတယ်ဆိုတဲ့ သညာဖြစ်လိုက်တယ်။ (နာမ်အချင်းချင်း ကျေးဇူးပြုတဲ့ – သဟဇာတပစ္စယော) ဖြန်းဆိုရိုက်လိုက်တယ်။ နာမ်အချင်းချင်းလည်း သိလိုက်သလို ရုပ်ရဲ့ နာကျင်မှုက စိတ်မှာလာပြီး ဝေဒနာ သညာဖြစ်စေတယ်။